මේ වසරේ ගතවූ කාලය තුළ දිවයිනට පැමිණි විදෙස් සංචාරකයින් සංඛ්යාව 2,250,000 ඉක්මවා ගොස් තිබේ.
ජනවාරි පළමු වනදා සිට දෙසැම්බර් 21 වනදා දක්වා කාලය තුළ සංචාරකයින් 2,258,202ක් දිවයිනට පැමිණ ඇති බව ශ්රී ලංකා සංචාරක සංවර්ධන අධිකාරිය සදහන් කළේ.
ඉන් වැඩි දෙනෙකු ඉන්දීය ජාතිකයින් වන අතර එම සංඛ්යාව 510,133ක් බව සඳහන්ය.
එමෙන්ම බ්රිතාන්ය ජාතිකයින් 204,703 දෙනෙකු, ජර්මානු ජාතිකයින් 141,941 දෙනෙකු සහ චීන ජාතිකයින් 129,403කු ඒ අතර වන බව සංචාරක සංවර්ධන අධිකාරිය පැවසුවේය.
ඊට අමතරව ප්රංශය, ඔස්ට්රේලියාව, නෙදර්ලන්තය ඇතුළු රටවලින් ද සංචාරකයින් වැඩි පිරිසක් දිවයිනට පැමිණ තිබේ.
දෙසැම්බර් මාසයේ පළමු දින 21 තුළ දිවයිනට පැමිණ ඇති සංචාරකයින් සංඛ්යාව 154,609 දෙනෙකු බව ද ශ්රී ලංකා සංචාරක සංවර්ධන අධිකාරිය සඳහන් කළේය.
