බංග්ලාදේශ ජනාධිපති මොහොමඩ් ෂහාබුද්දීන් ධුරයෙන් ඉල්ලා අස්වීමට තීරණය කර ඇති බවට විදෙස් මාධ්ය වාර්තා කරයි.
ඒ, ධුරයෙන් නෙරපා හරින ලද හිටපු බංග්ලාදේශ අගමැතිනි ෂීක් හසීනා නැවතත් රට තුළට පැමිණීමට සූදානම් වන බවට පළවන වාර්තාත් සමඟය.
2024 වසරේදී පැවැති ශිෂ්ය උද්ඝෝෂණ මර්දනය කරමින් පුද්ගලයන් 1,400කට ආසන්න සංඛ්යාවක් ඝාතනය කිරීමේ සිද්ධිය සම්බන්ධයෙන් අන්තරායකර අපරාධ අධිකරණය විසින් හසීනාට අයිතිවාසිකම් අහිමි කරමින් මරණ දඬුවම නියම කර තිබේ.
එම නඩුවලට මුහුණ දීම සඳහා තමා නැවත බංග්ලාදේශයට පැමිණෙන බව හසීනා රොයිටර් පුවත් සේවයට ප්රකාශ කිරීමෙන් දින කිහිපයකට පසුව ජනාධිපතිවරයාගේ මෙම ඉල්ලා අස්වීමේ තීරණය කරළියට පැමිණ ඇත.
වෛද්ය ප්රතිකාර සඳහා තායිලන්තය වෙත ගොස් සිටින පාර්ලිමේන්තු කථානායක හෆීස් උද්දින් අහමඩ් මහතා ආපසු පැමිණීමෙන් පසු ජනාධිපතිවරයා සිය ඉල්ලා අස්වීමේ ලිපිය භාරදීමට නියමිත බව විදෙස් මාධ්ය පවසයි.
ඉල්ලා අස්වීමට නිල වශයෙන් සෞඛ්ය හේතූන් දැක්වීමට ඉඩ ඇති බවට වාර්තා වන අතර, පාලක බංග්ලාදේශ ජාතිකවාදී පක්ෂයේ (BNP) නායකයින්ගෙන් එල්ල වූ දැඩි දේශපාලන බලපෑම මීට ප්රධාන හේතුව වී ඇත.
