මිලියන 4ක පමණ පිරිසක් TIN අංකය තවමත් ලබාගෙන නෑ

Date:

මෙරට වයස අවුරුදු 18 සම්පූර්ණ වූ පුද්ගලයන් අතරින් තවත් මිලියන 4ක පමණ පිරිසක් TIN අංකය ලබාගෙන ලියාපදිංචි වීමට සිටින බව දේශීය ආදායම් දෙපාර්තමේන්තුවේ කොමසාරිස් නන්දන කුමාර මහතා පවසයි.

දේශීය ආදායම් දෙපාර්තමේන්තුවේ කොමසාරිස්වරයා ඒ බව සඳහන් කළේය.

මේ වන විට පුද්ගලයන් මිලියන 13ක් පමණ TIN අංක සඳහා ලියාපදිංචි වී ඇති බවත්, මෙරට වයස අවුරුදු 18 සම්පූර්ණ වූ ජනගහනය මිලියන 17ක් පමණ වන බවත් ඔහු සඳහන් කළේය.

ඒ අනුව තවත් මිලියන 4ක පමණ පිරිසක් TIN අංකය ලබාගෙන ලියාපදිංචි විය යුතු බවට හඳුනාගෙන ඇතැයි කොමසාරිස්වරයා වැඩිදුරටත් පැවසීය.

“මේ වන විට මිලියන 13ක පිරිසක් හෙවත් ලක්ෂ 130ක් බදු ගෙවන්නන් හඳුනාගැනීමේ අංක (TIN) ලබා ගැනීම සඳහා දෙපාර්තමේන්තුවේ ලියාපදිංචි වී තිබෙනවා.

ශ්‍රී ලංකාවේ වයස අවුරුදු 18 සම්පූර්ණ වූ මිලියන 17ක එනම් ලක්ෂ 170ක ජනගහනයක් සිටිනවා. ඒ අනුව, තවත් මිලියන 4ක පමණ පිරිසක් ලියාපදිංචි විය යුතු පිරිස ලෙස අප හඳුනාගෙන තිබෙනවා.

පසුගිය කාලයේදී අත්‍යවශ්‍ය කාරණා කිහිපයක් සඳහා පමණයි අප TIN අංකය අනිවාර්ය කළේ. නමුත් නීතියට අනුව වයස අවුරුදු 18 සම්පූර්ණ වූ සියලුදෙනාම TIN අංකයක් ලබාගත යුතුයි.

මේ සම්බන්ධයෙන් බොහෝ දෙනෙකු තුළ අනියත බියක් ඇති වී තිබුණා. දැනටත් එවැනි බියක් පවතිනවා. දේශීය ආදායම් දෙපාර්තමේන්තුවේ ලියාපදිංචි වූ සෑම පුද්ගලයෙකුම බදු ගෙවිය යුතු නැහැ. එවැනි අවශ්‍යතාවක් නැහැ.

මෙහි නීතිමය අවශ්‍යතාව ඇති කර තිබෙන්නේ බදු ක්‍රමය විධිමත් කිරීම සඳහායි.”

LEAVE A REPLY

Please enter your comment!
Please enter your name here

Share post:

spot_imgspot_img

Popular

More like this
Related

ලෝක ප්‍රකට Wendy’s අවන්හල් ජාලය ශ්‍රී ලංකාවට

ජෝන් කීල්ස් සමූහ ව්‍යාපාරය (John Keells Group) ලෝක ප්‍රකට...

වනජීවී ස්වේච්ඡා මාර්ගෝපදේශකයින් 136ක් ස්ථිර රාජ්‍ය සේවයට බඳවාගනී

වනජීවී සංරක්ෂණ දෙපාර්තමේන්තුවේ සේවය කරනු ලබන ස්වේච්ඡා මාර්ගෝපදේශකයින් 136...

මහ බැංකුව පොලී අනුපාත ඉහළ දමයි

ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය ඊයේ පැවති...

රන් මිල සීග්‍ර ලෙස පහළට

ලෝක වෙළෙඳපොළේ රන් මිල සීග්‍ර ලෙස පහළ යමින් පවතින...