මේ වසරේ මෙරටට දිස්වන පළමු චන්ද්රග්රහණය අද (3 වැනිදා) නිරීක්ෂණය කිරීමට හැකි බව නවීන තාක්ෂණ පිළිබද ආතර් සී. ක්ලාක් ආයතනයේ තාරකා විද්යා අංශය සඳහන් කරයි.
මෙම චන්ද්රග්රහණය පූර්ණ චන්ද්රග්රහණයක් වුවත්, චන්ද්රයා ක්ෂිතිජයට පහළින් පිහිටන බැවින් මෙරටට එය අර්ධ චන්ද්රග්රහණයක් ලෙස නිරීක්ෂණය වන බවත් ආතර් සී. ක්ලාක් මධ්යස්ථානය පවසයි.
මෙහිදී චන්ද්රයා නැගෙනහිර ක්ෂිතිජයට ඉහළින් සවස 18.21 ට උදා වීමෙන් පසුව චන්ද්රයාගේ කොටසක් තවමත් පෘථිවියේ සෙවණැල්ලෙන් ආවරණය වී ඇති ආකාරය දැකගත හැක.
මෙම චන්ද්රග්රහණය පැහැදිලිව නිරීක්ෂණය කළ හැක්කේ වලාකුළු රහිත නැගෙනහිර ක්ෂිතිජය හොඳින් පෙනෙන ස්ථානයක සිට පමණක් බව ආතර් සී. ක්ලාක් ආයතනයේ සභාපති මහාචාර්ය චන්දන ජයරත්න පැවසීය.
