ජෝන් කීල්ස් පාරිභෝගික ආහාර අංශය (JKCF), 2025 SLIM ජාතික විකුණුම් සම්මාන උළෙලේ දී සම්මාන 27ක් දිනා ගනිමින් ශ්රී ලංකාවේ පාරිභෝගික භාණ්ඩ (FMCG) කර්මාන්තයේ ප්රමුඛයෙකු ලෙස තවදුරටත් තම ස්ථාවරත්වය තහවුරු කර ඇත. මෙම විශිෂ්ට ජයග්රහණය, ඉහළ කාර්ය සාධනයක් සහිත කණ්ඩායම් ගොඩනැගීම, විකුණුම් විශිෂ්ටත්වය ගොඩනැගීම සහ තම විවිධ ව්යාපාරික අංශ හරහා තිරසාර වර්ධනයක් ළඟා කර ගැනීම සඳහා එම අංශය දක්වන නොසැලෙන කැපවීම පෙන්නුම් කරයි.
Ceylon Cold Stores PLC (CCS), Keells Food Products PLC (KFP), සහ Colombo Ice Company (CICL) යන ප්රමුඛ සන්නාමයන් නියෝජනය කරමින්, සිසිල් බීම, අයිස්ක්රීම් සහ සැකසූ ආහාර දීර්ඝ කාලයක් තිස්සේ නවෝත්පාදනය සහ නායකත්වය පිළිබඳ කීර්ති නාමයක් සඳහා මෙම සමාගම් පිළිගැනීමට ලක්ව ඇත. ජනතාවගේ හැකියාවන් සහ කාර්ය සාධනයන් කෙරෙහි දක්වන අඛණ්ඩ අවධානය, ක්ෂේත්රයේ ප්රමුඛත ම ජයග්රහණ සඳහා නිරන්තරයෙන් ඉවහල් වේ.
මෙම සම්මාන, සිසිල් බීම, අයිස් ක්රීම් සහ සැකසූ ආහාර, අපනයන මෙහෙයුම් සහ සමස්ත කර්මාන්ත කාණ්ඩ හරහා විහිදී ගිය අතර, මෙම සමාගම් එකතුව විසින් රන් සම්මාන 7ක්, රිදී සම්මාන 8ක්, ලෝකඩ සම්මාන 8ක්, සහ විශිෂ්ටතා සම්මාන 4ක් දිනා ගන්නා ලදී. මෙම ගෞරව සම්මාන මඟින්, ඉදිරි පෙළ නියෝජිතයන්ගේ සිට කලාපීය කළමනාකරුවන් දක්වා සෑම මට්ටමකම සිටින විකුණුම් වෘත්තිකයන්ගේ කැපී පෙනෙන දායකත්වය පෙන්නුම් කරනු ලබන අතර, ක්රමානුකූල හැකියාවන් ගොඩනැගීමේ වැඩසටහන් සහ උසස් නායකත්ව වැඩසටහන් හරහා වාණිජමය කුසලතා සංවර්ධනය කිරීමට මෙම අංශය දක්වන කැපවීම ඉස්මතු කරයි.
මෙම ජයග්රහණය පිළිබඳව අදහස් දක්වමින්, ජෝන් කීල්ස්පාරිභෝගික ආහාර අංශයේ සභාපති දමින්ද ගම්ලත් මහතා මෙසේ පැවසීය.
“SLIM ජාතික විකුණුම් සම්මාන උළෙලේ මෙම විශිෂ්ට කාර්යසාධනය, අපගේ සියලුම ව්යාපාරික අංශයන් වල සිටින අපගේ විකුණුම් කණ්ඩායම්වල ඇති උද්යෝගය සහ විනයට සාක්ෂියකි. ඔවුන්ගේ කැපවීම, ශ්රී ලංකාවේ FMCG කර්මාන්තයේ කාර්යසාධන විශිෂ්ටත්වයේ ප්රමිතිය අඛණ්ඩව ඉහළ නංවයි. මෙම සාර්ථකත්වයට දායක වූ සෑම පුද්ගලයෙකු ගැනම අපි අතිශයින් ආඩම්බර වන අතර, හැකියාවන් සංවර්ධනය සහ නායකත්ව වර්ධනය සඳහා අඛණ්ඩව ආයෝජනය කිරීම තුළින් අපගේ කුසලතා ශක්තිමත් කිරීමට අපි නිරන්තරයෙන් කැපවී සිටින්නෙමු.”
මෙම සමාගම් එකතුව තම විකිණුම් උපාය මාර්ගය වේගවත් කරමින් සිටින අතරම නවීන පුහුණුව, නායකත්වයන් සහ ප්රමුඛ පෙළේ වෙළඳපොළට ප්රවේශ වීමේ ක්රමවේදයන් සමඟ සිය අලෙවිකරණ කණ්ඩායම බලගැන්වීම කෙරෙහි අඛණ්ඩව අවධානය යොමු කරයි. SLIM NSA 2025 හිදී ලද ඇගයීම මෙම අංශයේ ජයග්රහණ සැමරීමක් පමණක් නොව රටේ පාරිභෝගික භාණ්ඩ ක්ෂේත්රයේ විකුණුම් විශිෂ්ටත්වය සඳහා වූ තම කාර්යභාරය නැවතත් තහවුරු කිරීමකි.
