ආසියානු කුසලාන විස්සයි20 ක්රිකට් තරගාවලියේ සුපිරි වටයේ තරගයේදී බංග්ලාදේශය ශ්රී ලංකාව කඩුලු 4 කින් පරාජය කළේය. ශ්රී ලංකාව නියමිත ඕවර 20 න් 7 ට ලකුණු 168 ක් ලබා ගත්තේය.
ශ්රී ලංකාව වෙනුවෙන් හිටපු නායක දසුන් ශානක පන්දු 37 කදී නොදැවී ලකුණු 64 ක් ලබා ගත්තේය. ඔහුගේ ඉනිමට හතරේ පහර 3 ක් සහ හයේ පහර 6 ක් ඇතුළත් විය. කුසල් මෙන්ඩිස් පන්දු 25 කදී වේගවත් ලකුණු 34 ක් ලබා ගත්තේය. පන්දු යැවීමේදී මුස්ටෆිසුර් ලකුණු 20 ට කඩුලු 3 ක් දවා ගත්තේය.
පිළිතුරු ඉනිමේදී බංග්ලාදේශය පන්දු 45 කදී කඩුලු 6 ක් දැවී ලකුණු 169 ක් ලබා ගත්තේය.
ආරම්භක පිතිකරු සයිෆ් හසන් පන්දු 45 කදී ලකුණු 61 ක් ලබා ගත්තේ හයේ පහර 4 ක් සහ හතරේ පහර 2 ක් සමඟිනි. තව්හිඩ් හ්රිඩෝයි පන්දු 37 කදී ලකුණු 58 ක් ලබා ගත්තේය.
ශ්රී ලංකාව වෙනුවෙන් පන්දු යැවීමේදී දසුන් ශානක ලකුණු 21 ට කඩුලු 2 ක් ද වනිදු හසරංග ලකුණු 22 ට කඩුලු 2 ක් දවා ගත්තේය.
