ඊශ්රායලයේ ඉදිකිරීම් ක්ෂේත්රය යටතේ ක්රියාත්මක වන ප්රතිසංස්කරණ උප ක්ෂේත්රයට අදාළව, සිව්වන අදියර යටතේ රැකියා සඳහා මාර්ගගත ක්රමය ඔස්සේ අයදුම් කිරීමට අවස්ථාව ලබා දී ඇති බව ශ්රී ලංකා විදේශ සේවා නියුක්ති කාර්යාංශය පවසනවා.
ඒ අනුව, www.slbfe.lk වෙබ් අඩවියට පිවිසීමෙන් අදාළ රැකියා සඳහා ලියාපදිංචි විය හැකි අතර, ඒ සඳහා සැප්තැම්බර් 14 වැනිදා දක්වා වෙබ් අඩවිය විවෘතව තබන බවයි එම කාර්යාංශය සඳහන් කරන්නේ.
ප්රතිසංස්කරණ ශිල්පීන් (විදුලි පේනු සවි කිරීම, බිත්ති බැඳීම, පොටි ඇදීම, පාටිෂන්), සෙරමික් ටයිල් අතුරන්නන් සහ කපරාරු යන රැකියා සඳහා අයදුම් කළ හැකි අතර, මේ යටතේ අයදුම්කරුවන් 1,500ක් බඳවා ගැනීමට නියමිත බවත්, තෝරාගන්නා පුද්ගලයන්ට මාස 63ක කොන්ත්රාත් කාල සීමාවක් හිමි වන බවත් සඳහන්.
වයස අවුරුදු 25 – 45 අතර, මීට පෙර ඊශ්රායලයේ සේවය කර නොමැති, අවම වශයෙන් 10 වැනි ශ්රේණිය සමත් පුද්ගලයන්ට මේ සඳහා අයදුම් කළ හැකි අතර, තෝරාගන්නා රැකියා කාණ්ඩය සඳහා මනා දක්ෂතාවක් සහ පළපුරුද්දක් තිබිය යුතු බවයි වැඩිදුරටත් සඳහන් වන්නේ.
