ඉකුත් වසරේ (2025) නොවැම්බර් මාසය දක්වා කාලයේදී එක්සත් ජනපද ඩොලර් මිලියන 281 ක වාහන ආනයනය කර ඇතැයි ශ්රී ලංකා මහ බැංකුව සඳහන් කරයි.
පෞද්ගලික රථවාහන සහ වාණිජ කටයුතු සඳහා යොදා ගන්නා වාහන ඇතුළු වාහන ආනයනය සඳහා නොවැම්බර් මාසයෙන් අවසන් වූ මාස 11 ක කාලය තුළදී වැයකර තිබෙන මුළු වියදම එක්සත් ජනපද ඩොලර් මිලියන 1,746 කි.
ඉකුත් වසරේ නොවැම්බර් මාසය වන විටදී චීන මහජන බැංකුව සමග වූ විදේශ විනිමය හුවමාරු පහසුකමද ඇතුළුව දළ නිල සංචිත ප්රමාණය එක්සත් ජනපද ඩොලර් බිලියන හයක්ව පැවතිණි.
ඉකුත් වසරේදී එක්සත් ජනපද ඩොලරයට සාපේක්ෂව ශ්රී ලංකා රුපියල සියයට 5.6කින් (පහයි දශම හය) අවප්රමාණයවී ඇත.
