අනාගතයේදී කිසිදු ගෑස් හිඟයක් ඇති නොවන බවත් ප්රමාණවත් පරිදි තොග පවතින බවත් ලිට්රෝ සමාගම පවසයි.
නිවේදනයක් නිකුත් කරමින් එම සමාගම සඳහන් කළේ, ඒ හේතුවෙන් අනවශ්ය කලබලයක් ඇති නොකරගන්නා ලෙසටය.
පෙබරවාරි 17 සහ 18 යන දිනවල දැනටමත් ගෘහස්ථ පිරවුම් සිලින්ඩර 284,000ක් නිකුත් කර තිබේ.
අද (19) සිට සෙනසුරාදා දක්වා තවත් ගෘහස්ථ පිරවුම් සිලින්ඩර 351,000 ක් නිකුත් කිරීමට පියවර ගෙන ඇති බව ද ලිට්රෝ ගෑස් සමාගම ප්රකාශ කරයි.
සමාගම අවශ්ය පරිදි ප්රමාණවත් තොග මේ වනවිටත් ඇණවුම් කර ඇති බවත් සැපයුම තවදුරටත් ස්ථාවර කිරීම සඳහා මෙම මාසය අවසන් වීමට පෙර ගෑස් නැව් තුනක් මෙරටට පැමිණීමට නියමිත බවත් ලිට්රෝ සමාගම වැඩිදුරටත් සඳහන් කරයි.
