Google සමාගමේ මව් සමාගම වන Alphabet සමාගම ඊයේ (12) ඩොලර් ට්රිලියන 4ක වෙළඳපොළ වටිනාකමක් ඉක්මවා ගනිමින් තාක්ෂණ ක්ෂේත්රයේ ඉහළම මට්ටමකට ළඟා වූ බව විදෙස් මාධ්ය වාර්තා කරයි.
Alphabet සමාගම මෙලෙස ඉහළම මට්ටමකට ළඟා වූයේ මේ වසරේ මේ දක්වා සිය කොටසක වටිනාකම 6% කින් ඉහළ යාම හේතුවෙනි.
එමෙන්ම Alphabet සමාගමේ ප්රධාන ආදායම් මූලාශ්රය වන වෙළෙඳ දැන්වීම් ව්යාපාරය දැඩි තරගකාරීත්වය මධ්යයේ වුවද සම්පූර්ණයෙන්ම ස්ථාවර මට්ටමක පවත්වාගෙන යාමට සමත් වී ඇති බව විදෙස් මාධ්ය සඳහන් කර ඇත.
Nvidia, Microsoft සහ Apple සමාගම්වලට පසුව ඩොලර් ට්රිලියන 4ක වෙළඳපොළ වටිනාකමක් ඉක්මවා ගිය ලෝකයේ සිව්වන සමාගම බවට Alphabet සමාගම පත්ව ඇත.
මේ අතර කෘත්රිම බුද්ධිය (AI) පිළිබඳ Alphabet සමාගමේ දැඩි හා පැහැදිලි අවධානය, එහි ව්යාපාරික උපායමාර්ගය පිළිබඳ තිබූ සැක සම්පන්නභාවය පහව යාමට Alphabet සමාගමේ කොටස් ඉහළ යෑහට හේතු වූ බව වාර්තා වෙයි.
ඒ අනුව පසුගිය බදාදා දිනයේදී Alphabet සමාගම, 2019 වසරෙන් පසු පළමු වරට Apple සමාගම පසුකරමින් වෙළෙඳපොළ වටිනාකම අනුව ලෝකයේ දෙවන වටිනාකම වැඩිම සමාගම බවට පත්ව ඇත.
මෙම මට්ටම්, Alphabet සමාගම පිළිබඳ ආයෝජක විශ්වාසය විශාල ලෙස වෙනස් වී ඇති බවට සාක්ෂි සපයන බව විශ්ලේෂකයින් පෙන්වා දෙති.
2025 වසර තුළ Alphabet කොටස් මිල සියයට 65කින් ඉහළ ගොස් ඇති අතර, Wall Street හි ප්රමුඛ තාක්ෂණික කොටස් කණ්ඩායම ලෙස හැඳින්වෙන “Magnificent Seven” කණ්ඩායමේ අනෙකුත් සමාගම්වලට වඩාද එය ඉහළ කාර්යසාධනයක් වාර්තා කර ඇති බව සඳහන් වේ.
