පාර්ලිමේන්තුවේ නව වැටුප් ප්රතිව්යුහගත කිරීම්වල දී තමන් නොලසකා හැරීමට එරෙහිව එහි මුළුතැන්ගෙයි කාර්ය මණ්ඩලය ඊයේ (27 වැනිදා) සිය විරෝධය පළ කළේය.
ඔවුන් මෙලෙස විරෝධය පළ කළේ ආහාර පාන අධ්යක්ෂවරයාට ය. තමන් ද වැටුප් ප්රතිව්යුහගතකරණ යෝජනාවලියට ඇතුළත් කිරීමට පියවර ගන්නා ලෙස ඔවුහු අධ්යක්ෂවරයාගෙන් ඉල්ලා සිටියහ. සාධාරණයක් ඉටු වන තෙක් මේ සම්බන්ධයෙන් යම් යම් පියවර ගැනීමට සිදු වන බව ද ඔවුහු පවසති.
කෙතරම් සුදුසුකම් පැවතිය ද තමන් මෙතෙක් නියමිත වැටුප් තලවලට අන්තර්ගත කර නොමැති බවත් ඔවුහු පවසති. සෙසු දෙපාර්තමේන්තු කාර්ය මණ්ඩලවල වැටුප් ප්රතිව්යුහගත කිරීමේ යෝජනාවලියක් ක්රියාත්මක කිරීමට සැලසුම් කර තිබෙන නමුත් එම යෝජනාවලියට මෙම කාර්ය මණ්ඩල ඇතුළත් කර නොමැති වීම මෙම ගැටලුවට හේතු වී තිබේ.
