වෙළෙඳ පොළේ කීරි සම්බා සහල් කිලෝවක මිල රුපියල් 350 ක් දක්වා ඉහළ ගොස් තිබේ.
කීරි සම්බා කිලෝවක පාලන මිල රුපියල් 260 ක් වුවද,එම මිලට කීරි සම්බා අලෙවි කිරීමට නොහැකි බව වෙළෙන්දෝ පවසති.
කීරි සම්බා කිලෝවක තොග මිල රුපියල් 300 ත් 325 ත් අතර මිලක් දක්වා ඉහළ ගොස් ඇතැයිද වෙළෙන්දෝ පවසති.
කෙසේ නමුත්,පාලන මිලට කීරි සම්බා අලෙවි කිරීමට නොහැකි නිසා වෙළෙඳසල් තුළ කීරි සම්බා සහල් තොග සඟවා,හිතවත් පාරිභෝගිකයන්ට පමණක් කිලෝවක් රුපියල් 350 බැගින් බිල්පත් රහිතව අලෙවි කරන බවද වෙළෙඳ පොළ ආරංචිමාර්ග කියයි.
වෙළෙඳසල් හිමියන් කීරි සම්බා සහල් අලෙවි කිරීමේදී කිලෝවකින් රුපියල් 25 ත් 30 ත් අතර ලාභයක් උපයන බවද පැවසේ.
