ඇමෙරිකානු ජනාධිපති ඩොනල්ඩ් ට්රම්ප්ගේ සමාජ මාධ්ය සමාගම, අප්රේල් සහ ජූනි මාස අතර කාලය තුළ ඩොලර් මිලියන 238ක (පවුම් මිලියන 176ක) පාඩුවක් වාර්තා කර තිබේ. ඊට හේතුව වූයේ එම සමාගම ක්රිප්ටෝ මුදල් (cryptocurrencies) ඇතුළු මාධ්ය ක්ෂේත්රයට සම්බන්ධ නොවන ව්යාපාරික කටයුතු වෙත සිය අවධානය යොමු කිරීමයි.
ජනාධිපතිවරයාගේ ‘Truth Social’ වේදිකාව පවත්වාගෙන යන ‘Trump Media and Technology Group’
ආයතනයට අනුව, මෙම කාර්තුමය පාඩුව මීට වසරකට පෙර එම කාලසීමාව තුළ වාර්තා වූ පාඩුව මෙන් 10 ගුණයකටත් වඩා වැඩි අගයකි.
මුදල් ගෙවන පාරිභෝගිකයින්ට ට්රම්ප්ගේ වෙළඳපොළ කෙරෙහි බලපෑම් ඇති කළ හැකි සටහන් (posts) වෙත වේගවත් ප්රවේශයක් ලබා දෙන මතභේදාත්මක සේවාවක් ද ඇතුළුව, තම සමාජ මාධ්ය මෙහෙවර වෙත නැවත අවධානය යොමු කරන බව එම සමාගම පවසයි
සමාගම ඩොලර් මිලියන 1.7ක ආදායමක් වාර්තා කළ අතර, එය මීට වසරකට පෙර එම කාලසීමාවට සාපේක්ෂව 89%ක වර්ධනයක් වුවද, ක්රිප්ටෝ මුදල්වල අගය පහත වැටීම හේතුවෙන් සමස්ත පාඩුවක් සිදුවිය.
එමෙන්ම, දෙවන කාර්තුව අවසන් වන විට ඩොලර් බිලියන 2ක මුළු වත්කම් ප්රමාණයක් සහ ඩොලර් බිලියන 1.9ක පමණ මූල්ය වත්කම් (මුදල්, කෙටි කාලීන ආයෝජන සහ ඩිජිටල් මුදල් ඇතුළුව) තමන් සතුව තිබූ බව සමාගම වැඩිදුරටත් සඳහන් කළේය.
ක්රිප්ටෝ මුදල් සහ පිරිසිදු බලශක්ති ආයෝජන වැනි ක්ෂේත්ර වෙත ව්යාපාර පුළුල් කරමින් සිටියද, මෙම සමූහය තවමත් ලාභ ලබන තත්ත්වයට පත්ව නොමැත.
