ජනප්රිය නළු තලපති විජේගේ දේශපාලන රැලියකදී ඇති වූ තෙරපීමකින් පුද්ගලයින් 31 දෙනෙකු මිය ගොස් තිබේ. තමිල්නාඩුවේ, කරූර් ප්රදේශයේ පැවති රැලියක් අතරතුරදී මෙම අවාසනාවන්ත සිදුවීම වාර්තා වෙයි.
The Hindu පුවත්පත වාර්තා කර ඇත්තේ, පුද්ගලයන් 50 දෙනෙකු රෝහල්ගත කර ඇති බව ය. ළමුන් හය දෙනෙකු, පිරිමින් නව දෙනෙකු සහ කාන්තාවන් 16 දෙනෙකු මෙලෙස මිය ගොස් ඇති බව The Hindu වාර්තා කර තිබේ.
එම මාධ්ය තවදුරටත් පවසන්නේ, තලපති විජේ සහභාගී වූ මෙම රැලිය සඳහා විශාල පිරිසක් රැස්ව සිටි බව ත් එහිදී පුද්ගලයන් කිහිප දෙනෙකු ක්ලාන්ත වූ බව ත් ය.
තුවාල ලැබූවන් කරූර් වෛද්ය විද්යාල රෝහලට සහ අසල පිහිටි පෞද්ගලික රෝහල් ඇතුළත් කර ඇතැයි The Hindu පුවත්පත වාර්තා කර ඇත.
