නිරූපණ ශිල්පිණියක වන සාරංගි සංගීතා හට පහරදී, බියවද්දා ලක්ෂ 60 ක මුදලක් බලෙන් ලබාගැනීමක් සම්බන්ධයෙන් පැමිණිල්ලක් ලැබී ඇතැයි කොල්ලුපිටිය පොලිසිය පවසනවා.
පසුගියදා (24) ඇය විසින් සිදුකර ඇති මෙම පැමිණිල්ලට අනුව, ඉකුත් 11 වෙනි දින ඇය ප්රේම සබඳතාවයක් පවත්වාගෙන යන පුද්ගලයෙකු සමඟ කොළඹ 03 කොල්ලුපිටිය ප්රදේශයේ හෝටලයක් වෙත ගොස් තිබෙනවා.
අනතුරුව 12 වැනිදා රාත්රී කාලයේදී පෙම්වතා යැයි කියන පුද්ගලයා විසින් නිරූපණ ශිල්පිණිය බියවද්දා ඇයගේ ජංගම දුරකථනය ලබාගෙන එම ජංගම දුරකථනය ඔස්සේ ගිණුමේ තිබූ රුපියල් ලක්ෂ 60ක මුදලක් ලබාගෙන ඇති බව පැමිණිල්ලේ සඳහන්.
එමෙන්ම ඇයට පහරදී තුවාල සිදුකර මරණ තර්ජනය කර ඇති බවත් සඳහන්.
පසුව නිරූපණ ශිල්පිණිය ඇයට ඇති වූ තුවාල හේතුවෙන් ප්රතිකාර ලබා ගැනීමට ගොස්, පහර දුන් පුද්ගලයා තමාගේ ජීවිතයට කරදරයක් සිදු කරයි යන බියෙන් පැමිණිල්ල සිදු කර තිබේ.
කොල්ලුපිටිය පොලිසිය සිද්ධිය සම්බන්ධයෙන් විමර්ශන සිදුකරයි.
